ӨҢІРДЕ ЖҰМЫСПЕН ҚАМТУ ДЕҢГЕЙІ ҚАНДАЙ?

Былтырдан бастап халықты жұмыспен қамту орталықтары «Мансап» орталықтары болып қайта құрылғаны белгілі. Бүгінде бұл өзгерістен көп нәтижелер күткен халық та, әкім де риза емес. Өйткені, халықты жұмыспен қамту бойынша жасалған жұмыс нәтижелері Тараз қаласы мен аудандарда өте төмен болып отыр.Бұл туралы бүгін аймақ басшысының төрағалығымен өткен аппараттық кеңесте мәлім болды. Басқарма әкімдіктерге, ал әкімдер басқармаға сілтеп, төмен статистикаға ешкім жауапкершілік алғысы келмейтін көрінеді. Өз құзіретіне не кіретінін білмейтін басшыларға ескерту жасаған облыс әкімі бұл мәселені қатаң бақылауға алуды тапсырды.