БЫЛТЫР 172 ҚҰРЫЛЫС ОБЪЕКТІЛЕРІНЕ ЖОСПАРДАН ТЫС ТЕКСЕРУ ЖҮРГІЗІЛГЕН
1 min read
Жамбыл облыстық мемлекеттік сәулет-құрылыс бақылау басқармасы 2023 жылы 172 құрылыс объектілеріне жоспардан тыс тексеру жұмыстарын жүргізген. Нәтижесінде 86 нұсқама беріліп, 248 әкімшілік іс қозғалып, 159 тапсырыс беруші, 50 мердігер мекеме, 3 жобалаушы, 26 техникалық қадағалаушы, 10 авторлық қадағалаушы әкімшілік жауапкершілікке тартылыпты. Ал айыппұл соммасы 68 695 930 теңгені құраған. Бұл туралы күні кеше қалалық әкімдікте өткен жиында айтылды.
