ЗАМАНАУИ СПОРТ КЕШЕНІ ПАЙДАЛАНУҒА БЕРІЛДІ

Кейінгі жылдары елімізде, оның ішінде облысымызда спорт саласының дамуына барынша қолдау білдіріліп келеді. Әсіресе, ауылдық жерде спорт нысандарының саны жыл өткен сайын арта түсуде. Спорт саласын дамыту — мемлекетіміздің стратегиялық басым бағыттарының бірі болғандықтан Шу ауданында да бұл бағыттағы жұмыстар қарқынды жүргізілуде. Дене шынықтыру мен  бұқаралық спортты дамыту кешенді жоспарын бекіту туралы қаулысы бекітілген еді. Осы бағытта 6 мыңға жуық тұрғыны бар Д.Қонаев ауылында  жаңа спорт кешені пайдалануға берілді.