ӘСКЕРИ ИНЖИНЕРЛЕР МЕРЕКЕСІ

21 қаңтарда Қазақстан Қарулы Күштерінің инженерлік әскерлері өздерінің кәсіби мерекесін атап өтті. Бұл әскер түрінің әскери қызметшілері ел қауіпсіздігі мен қорғанысында маңызды рөл атқарады. Олар кең ауқымды және күрделі міндеттерді орындай отырып, терең техникалық білімді, дәлдікті және ұқыпты есептеуді талап ететін жұмысты абыроймен атқарып келеді. Қиындықтар мен қауіпті жағдайларға қарамастан, инженерлік әскерлер өз міндетіне адалдық танытуда. «Оңтүстік» өңірлік қолбасшылығының әскери қызметшілері де өз мамандықтарының қоғам үшін маңыздылығына сенімді екенін көрсетті.