ӘСКЕРИ ҚЫЗМЕТ ПЕН КӘСІБИ ДАҒДЫЛАРДЫҢ ҮЙЛЕСІМІ

Бүгінде әскери қызмет жастарға тек әскери дайындықтан өту мүмкіндігін ғана емес, сонымен қатар азаматтық мамандығы бойынша тәжірибе жинақтау алаңына айналып отыр. Тараз қаласындағы Оңтүстік өңірлік қолбасшылығының жөндеу-қалпына келтіру бөлімшесінде әскери қызметті кәсіби даярлықпен үйлестіруге бағытталған арнайы бағдарлама енгізілген. Бұл бағдарлама аясында сарбаздар өз мамандықтары бойынша кәсіби дағдыларын жетілдіруге мүмкіндік алып, еңбек нарығында сұранысқа ие кәсіби біліктіліктерін дамыта алады.